Shahzad Anjum Burhani
bahut ghuTan hai yahan par koi bacha le mujhe
main apni zaat men madfun huun nikale mujhe
ham aadmi hain bahakna hamari fitrat hai
bahak raha huun agar main koi sambhale mujhe
ki harf-e-haq to ada ho gaya hai honTon se
zamana chahe to neze pe ab uchhale mujhe
ḳhuda kare ki mayassar tira visal na ho
bahut aziiz hain ye hijr ke ujale mujhe
Leave a Reply