batao haath men ulfat ka jaam kis ka tha
tumhare raaj bhavan men qayam kis ka tha
bhaga ke tum nahin laa.e the gar raqiban ko
to phir police ke register pe naam kis ka tha
tumhen navaza hai sab mere maike valon ne
tumhare ghar men ye sab tam-jham kis ka tha
jise bazar se dilva ke laa.e ho toffē
main janti huun vo surat-haram kis ka tha
main apne un se muḳhatib huun aur kis se nahin
musha.ere men paḌha jo kalam kis ka tha
nikal ke aa.i ho jis ghar se aaj ai ‘sajni’
batao saaf vo bait-e-haram kis ka tha
Leave a Reply