Poet
vaqt ki qaid se azad karane aa.e
aḳhiri vaqt mujhe munh hi dikhane aa.e
in dinon meri tabi.at men hai mad-hoshi si
us se kah do ki mira dard jagane aa.e
main ne jab pyaar ki daulat se navaza hai use
vo bhi do bol mohabbat ke sunane aa.e
umr-bhar saath nibhane ko kaha hai kis ne
vo mire saath bas ik shaam manane aa.e
dil ko dariya ko baḌi der hui ḳhushk hue
koi badal hi miri pyaas bujhane aa.e
jab se vo ruuTh gaya shaad yahi sochta huun
kab mira chand mire paas na-jane aa.e
Leave a Reply