jism se rahguzar banate hain
aa mohabbat ko shar banate hain
sirf divar-o-dar banate hain
aur da.ava hai ghar banate hain
ḳhud ko bar-e-digar banate hain
aur ab soch kar banate hain
aaj lakḌi ke joḌ kar taḳhte
Duub jaane ka Dar banate hain
jin ke paanv vo kaaT lete hain
un ke jismon pe sar banate hain
ye luTere hi mere mohsin hain
band galiyon men dar banate hain
us ne uḌna hai aur samton men
aa.iye bal-o-par banate hain
ham ne jaana nahin kahin bhi tu
kyon ye rah-e-safar banate hain
ab ‘sabahat’ ḳhuda bane hain vo
ab vo shams-o-qamar banate hain
Leave a Reply