Waliullah Wali
vaqt-e-ruḳhsat shabnami saughat ki baten karo
zikr ashkon ka karo barsat ki baten karo
apni miTTi ka bhi tum par haq hai samjho to sahi
chand suraj ki nahin zarrat ki baten karo
ḳhun-e-insan se hui hai sub.h jis ki dagh-dar
chand hi lamhe sahi us raat ki baten karo
kab talak uljhi rahegi zulf-e-janan men ghazal
dosto kuchh aaj ke halat ki baten karo
mausam-e-gul men agar karni hon kuchh baten ‘vali’
phuul ki ḳhushbu ki aur naghmat ki baten karo
Leave a Reply