aftab-shamsi

Wapsi

maut ki pur-sukut basti ko

de ke ik zindagi ka nazrana

log apne gharon ko laute hain

sab ke chehre hain fart-e-gham se niDhal

sab ki anhken chhalak gai hain aaj

phir bhi sarhad men shahr ki aa kar

hanste bachchon ko khelta pa kar

dekh kar zindagi ke hangame

aisa mahsus kar rahe hain sab

jaise afsurdagi ke sahra se

koi avaz de ke kahta ho

maut ke intizar men jiina

maut se bhi badi aziyyat hai

zindagi laakh aarzi ho magar

zindagi jagti haqiqat hai

More Poems

Leave a Comment