Habib Jalib
jivan mujh se main jivan se sharmata huun
mujh se aage jaane vaalo men aata huun
jin ki yadon se raushan hain meri ankhen
dil kahta hai un ko bhi main yaad aata huun
sur se sanson ka naata hai toḌun kaise
tum jalte ho kyuun jiita huun kyuun gaata huun
tum apne daman men sitare baiTh kar Tanko
aur main na.e baran lafzon ko pahnata huun
jin ḳhvabon ko dekh ke main ne jiina sikha
un ke aage har daulat ko Thukrata huun
zahr ugalte hain jab mil kar duniya vaale
miThe bolon ki vaadi men kho jaata huun
‘jalib’ mere sher samajh men aa jaate hain
isi liye kam-rutba sha.er kahlata huun
Leave a Reply