bujha.i hai tiri nazron se aksar tishnagi main ne
kiya hai muddaton is tarah shaghl-e-mai-kashi main ne
ḳhusha vo marhale jin marhalon men jaise ghabra kar
mujhe avaz di tum ne tumhen avaz di main ne
miri divangi ko ahl-e-iman kufr kahte hain
banaya hai bahut uncha maqam-e-bandagi main ne
ab is ko intiha-e-zauq kahiye ya junun kahiye
vo parde men rahe tasvir dil men khinch li main ne
hui hain laghzishen donon se ham donon hi mujrim hain
ki daman-e-vafa chhoḌa kabhi tum ne kabhi main ne
main us mahfil ko Thukra kar chala aaya huun ai ‘rahmat’
jahan mahsus ki iḳhlas-o-ulfat ki kami main ne
Leave a Reply