jalva-saman hai rang-o-bu ham se
is chaman ki hai aabru ham se
dars lete hain khush-khirami ka
mauj-e-dariya-o-ab-ju ham se
har sahar bargah-e-shabnam men
phuul milte hain ba-vazu ham se
ham se raushan hai kar-gah-e-sukhan
nafas-e-gul hai mushkbu ham se
shab ki tanhaiyon men pichhle pahar
chand karta hai guftugu ham se
shahr men ab hamare charche hain
jagmagate hain kakh-o-ku ham se
Leave a Reply