galiyon men azar bahut hain ghar men ji ghabrata hai
hangame se sannaTe tak apna haal tamasha hai
bojhal ankhen kab tak aḳhir niind ke vaar bacha.engi
phir vahi sab kuchh dekhna hoga sub.h se jo kuchh dekha hai
dhuup musafir chhanv musafir aa.e koi koi jaa.e
ghar men baiTha soch raha huun angan hai ya rasta hai
aadhi umr ke pas-manzar men shana-ba-shana gam-ba-gam
tu hai ki teri parchha.in hai main huun ki mera saaya hai
ham sahil ki sard hava men ḳhvabon se uljhe hain ‘farogh’
aur hamare naam ka dariya sahra sahra bahta hai
Leave a Reply