poet

De Hashr Ke Wade Pe Use Kaun Bhala Qarz

de hashr ke vaade pe use kaun bhala qarz

tum le ke na dete ho kisi ka na diya qarz

hai dil men agar us se mohabbat ka irada

le lijiye dushman ke liye ham se vafa qarz

ashiq ke satane men daregh un ko na hoga

maujud hain lene ko jo mil jaae jafa qarz

us haath se do qaul to is haath se lo dil

deta hai koi hashr ke vaade ye bhala qarz

maana ki jafaon ki talafi hain vafaen

hoga na ‘zahir’ un ki adaon ka ada qarz

More Poems

Leave a Comment