raushni vaale to duniya dekhen
ham andhere ke siva kya dekhen
apni qismat men bhi kuchh hai ki nahin
ab zara haath to phaila dekhen
tu kabhi sub.h ka taara ban jaa.e
ham tujhe duur se tanha dekhen
aag paani men agar jang hui
kis taraf aadmi hoga dekhen
jaan se haath na dho.e jaa.en
aur bahta hua dariya dekhen
kis ke angan ko ujala baḳhshe
‘ram’ TuuTa hua taara dekhen
Leave a Reply