vahm thā yā gumān jaisā thā
dil ke vo mehmān jaisā thā
tiir kājal ke us kī āñkhoñ meñ
aur abrū kamān jaisā thā
phuul se tan pe us ke raushan ḳhat
manziloñ ke nishān jaisā thā
umr bhar kaun yaañ Thahartā hai
maiñ to ik sā.ebān jaisā thā
jaan lo bas ki ulfatoñ kā safar
ik ḳhayālī uḌaan jaisā thā
ab yahāñ vasvasoñ ke Dere haiñ
dil ki pahle makān jaisā thā
ye maiñ kyoñ aaj be-ridā huuñ bahut
mujh pe kuchh āsmān jaisā thā