Prem Bhandari
baat kaisi bhi ho andaz naya deta tha
aise hansta tha ki vo sab ko rula deta tha
koi mayus jo milta to na rahta be-as
rang chehre pe tabassum ka saja deta tha
umr bhar ret pe chalta raha lekin vo shaḳhs
tapti rahon pe hari ghaas bichha deta tha
koi anjam-e-mohabbat ki jo baten karta
phuul ke chehre pe shabnam vo dikha deta tha
miri ghalati pe bigaḌta bhi bahut tha lekin
aur phir mujh ko vo ji bhar ke dua deta tha
Leave a Reply