vahm hi hoga magar roz kahan hota hai
dhundh chhai hai to ik chehra ayaan hota hai
shaam ḳhush-rang parindon ke chahak jaane se
ghar hua jaata hai din men jo makan hota hai
vo koi jazba ho alfaz ka mohtaj nahin
kuchh na kahna bhi ḳhud apni hi zaban hota hai
be-sabab kuchh bhi nahin hota hai ya yuun kahiye
aag lagti hai kahin par to dhuan hota hai
baz-gasht aur sadaon ki ubhar aati hai
jitna ḳhali koi ‘akhilesh’ kuaan hota hai
Leave a Reply