baal shishe men kahin baal se main hota huun
be-yaqini men paḌe jaal se main hota huun
aisa bimar banati hai tiri aankh mujhe
aise gulnar tire gaal se main hota huun
tujh pe vo umr guzari main kahin aa.e na aa.e
sher kahte hue jis haal se main hota huun
dam-o-darham hunar-e-ḳhvab ke badle laao
aise mar.ub kahan maal se main hota huun
dil ki gahra.i tiri zaat ki tanha.i miri
qaal se to hua hai haal se main hota huun
ek tajridi-numu husn ne rakkhi ham men
ḳhad se to hota hua ḳhaal se main hota huun
aur zara tham ke adam-nama-e-hasrat ho kar
ashk be-zar tiri Dhaal se main hota huun
Leave a Reply