Farah Rizwi
vahima iztirab ki chaukhaT
be-yaqini sarab ki chaukhaT
abtari astana-e-vahshat
ra.egani azaab ki chaukhaT
surma.i shaam ke gharaunde men
ye shafaq mahtab ki chaukhaT
is kitab-e-dar-e-tamanna par
hai tire intisab ki chaukhaT
aks hai zau-fishaniyon ka mahl
aa.ina ab-o-tab ki chaukhaT
ḳhvahishon ki ghulam-gardish men
tishnagi baryab ki chaukhaT
Leave a Reply