Poet
ajab ik baat us ki baat men thi
ki ḳhushbu peḌ ke har paat men thi
tumhen ham se mohabbat ka gila tha
mohabbat kab hamare haath men thi
ye aise the ki ḳhush aate bahut the
koi ḳhushbu inhi din raat men thi
ajab mausam tumhare ba.ad aa.e
ajab be-raunaqi barsat men thi
andhere men nazar aane laga tha
koi to raushni zulmat men thi
ga.e vaqton men aisa to nahin tha
yahi duniya thi aur auqat men thi
kahin to vaqt jaise ruk gaya tha
kahin par umr bhi lamhat men thi
hua tha vaqi.a kuchh aur lekin
ḳhabar kuchh aur aḳhbarat men thi
bahut thi dhuup men shiddat bhi ‘ḳhalid’
magar talḳhi jo ehsasat men thi
Leave a Reply