Wahi Na Milne Ka Gham Aur Wahi Gila Hoga

vahī na milne kā ġham aur vahī gilā hogā

maiñ jāntā huuñ mujhe us ne kyā likhā hogā

kivāḌoñ par likhī abjad gavāhī detī hai

vo haft-rañgī kahīñ chaak DhūñDhtā hogā

purāne vaqtoñ kā hai qasr zindagī merī

tumhārā naam bhī is meñ kahīñ likhā hogā

chubhan ye piiTh meñ kaisī hai muḌ ke dekh to le

kahīñ koī tujhe pīchhe se dekhtā hogā

galī ke moḌ se ghar tak añdherā kyuuñ hai ‘nizām’

charāġh yaad kā us ne bujhā diyā hogā

Leave a Comment