Mahadew-Ji Ka Byah

pahle naanv ganesh kaa, lijiye siis navae

ja se karaj sidh hon, sada mahurat laae

bol bachan anand ke, prem, piit aur chaah

sun lo yaro, dhyan dhar, mahadev ka byaah

jogi jangam se suna, vo bhi kiya bayan

aur katha men jo suna, us ka bhi parman

sunne vaale bhi rahen hansi khushi din rain

aur padhen jo yaad kar, un ko bhi sukh chain

aur jis ne is byaah kii, mahima kahi banae

us ke bhi har haal men, shiv-ji rahen suhae

khushi rahe din raat vo, kabhi na ho dil-gir

mahima us ki bhi rahe jis ka naam ‘nazir’

Leave a Comment