Hadi Machlishahri
nizam-e-tabi.at se ghabra gaya dil
tabi.at ki ab barhami chahta huun
miri be-qarari se ḳhush hone vaale
na ḳhush ki main bhi yahi chahta huun
jafa ko bhi teri jo sharminda kar de
vo mazlum main zindagi chahta huun
ghazab hai ye ehsas varastagi ka
ki tujh se bhi ḳhud ko bari chahta huun
sar-e-dar mansur ko thi jo hasil
main ‘hadi’ vahi zindagi chahta huun
Leave a Reply