allama-iqbal

Ahd-E-Tifli

the dayar-e-nau zamin-o-asman mere liye

vusat-e-aghosh madar ik jahan mere liye

thi har ik jumbish nishan-e-lutf-e-jan mere liye

harf-e-be-matlab thi khud meri zaban mere liye

dard-e-tifli men agar koi rulata tha mujhe

shorish-e-zanjir-e-dar men lutf aata tha mujhe

takte rahna haae vo pahron talak su-e-qamar

vo phate badal men be-avaz-pa us ka safar

puchhna rah rah ke us ke koh-o-sahra ki khabar

aur vo hairat darogh-e-maslahat-amez par

aankh vaqf-e-did thi lab mail-e-guftar tha

dil na tha mera sarapa zauq-e-istifsar tha

More Poems

Leave a Comment