Sufi

Wahi Jo Haya Thi Nigar Aate Aate

vahi jo haya thi nigar aate aate

bata tu hi ab hai vo pyaar aate aate

na maqtal men chal sakti thi tegh-e-qatil

bhare itne ummid-var aate aate

ghati meri roz aane jaane se izzat

yahan aap khoya viqar aate aate

jagah do to main is men turbat bana luun

bhara hai jo dil men ghubar aate aate

abhi ho ye fitna to kya kuchh na hoge

javani ke lail-o-nahar aate aate

ghadi hijr ki kaash ya rab na aati

qayamat ke lail-o-nahar aate aate

khabar deti hai yaad karta hai koi

jo bandha hai hichki ne taar aate aate

phir aae jo tum mehrban jaate jaate

phiri gardish-e-rozgar aate aate

azal se abad ko to jaana tha ‘afsar’

chale aae ham us dayar aate aate

More Poems

Leave a Comment