vahi hua ki ḳhud bhi jis ka ḳhauf tha mujhe
charagh ko jala ke bas dhuan mila mujhe
kabhi miTa saka na koi dusra mujhe
shikast de ga.i magar miri ana mujhe
javab is saval ka bhi de zara mujhe
uḌa ke laa.i hai yahan pe kyuun hava mujhe
hari-bhari si shaḳh par khila hua gulab
na jaane ek ḳhaar kyuun chubha gaya mujhe
us ajnabi se vasta zarur tha koi
vo jab kabhi mila to bas mira laga mujhe
abhi na mujh ko Tokiye abhi to zindagi
suna rahi hai giit roz ik naya mujhe
ye muddaton ke baad jo kahi ghazal ‘hilal’
vo kaun hai jo aaj yaad aa gaya mujhe
Leave a Reply