vahi hota hai jo mahbub ko manzur hota hai
mohabbat karne vaala har tarah majbur hota hai
jahan jaate hain ham us ki gali se ho ke jaate hain
agarche rasta is raste se duur hota hai
nahin rukte ghaḌi-bhar talib-e-didar ke aansu
ye zalim shauq goya aankh ka nasur hota hai
koi majnun ki izzat ishq ki sarkar men dekhe
baḌi ḳhidmat pe aisa aadmi mamur hota hai
hasinon ka tanazzul bhi nahin hai shaan se ḳhali
buḌhape men bhi un logon ke munh pe nuur hota hai
vo aisi ḳhanda-peshani se har maruza sunte hain
ye samjhe arz karne vaala ab manzur hota hai
tujhe mash.hur hona ho to ashiq ki bura.i kar
bura.i se bahut jald aadmi mash.hur hota hai
hamare ghar vo aa kar thak ga.e haan kyuun na thak jaate
naya rasta jo ho nazdik bhi to duur hota hai
jo tum vabasta-e-daman ko samjhe dagh-e-bad-nami
to ab kya duur kar sakte ho ab ye duur hota hai
baḌa ehsan hoga mere dil ka ḳhuun kar Daalo
yahi majbur karta hai yahi majbur hota hai
mujhe tum jante ho aql se ma.azur haan be-shak
mohabbat karne vaala aql se ma.azur hota hai
hasin har ek ho sakta nahin be-shak safi’ be-shak
vahi hota hai jo allah ko manzur hota hai
Leave a Reply