Saim Ji
ham faqiron ki jeb ḳhali hai
yaad lekin tiri bacha li hai
asman se koi ḳhayal utre
zauq yarab mira savali hai
raaz pinhan the sab ḳhizaon ke
ḳhushk patton ne baat uchhali hai
teri yadon se bhagna kaisa
bas tavajjoh zara haTa li hai
log aate hain Duub jaate hain
zaat qulzum jo ab bana li hai
nur-e-yazdan ka tuur pe ja kar
ham ne dekha murad pa li hai
ishq hasil bhi aur la-hasil
raat raushan bhi aur kaali hai
Leave a Reply