vapas jo nahin aa.ega men vo safari huun
ai dost gale lag ki charagh-e-sahari huun
ai husn ye andaz-o-ada tujh men kahan the
main tere liye a.ina-e-ishva-gari huun
baḌhti hui tahrik-e-siyasat mujhe samjho
elan-e-baghavat pa.e bedad-gari huun
duniya ke liye jo hai ujalon ka payambar
zulmat-kada-e-shab men vo najm-e-sahari huun
rangini-o-ḳhush-pairahni hai mire dam se
gulshan men kali tum men nasim-e-sahari huun
hairat se na kyuun dekhe mujhe saara zamana
parvarda-e-aghosh-e-kamal-e-bashari huun
tum bhi ho adaon ki kashakash men giraftar
kya fikr jo main qaidi-e-ashufta-sari huun
Leave a Reply