ajay-sahaab

Wahi Hain Qatl-O-Ghaarat Aur Wahi Kohram Hai Saqi

vahi hain qatl-o-gharat aur vahi kohram hai saaqi

tamaddun aur maz.hab ki ye ḳhuni shaam hai saaqi

kalam-e-fan mira ab tak nihan hai aise duniya se

ki jyuun abdulhai men ik alif gumnam hai saaqi

meri gang-o-jaman tahzib ki duḳhtar hai ye urdu

ise muslim banane ki ye sazish aam hai saaqi

karenge amn ki baten dilon men bughz rakkhenge

yahi rasm-e-jahan aur fitrat-e-aqvam hai saaqi

qad-a-shair ke badle dekhiye me.ayar sheron ka

faqat itna miri ghazlon ka ye paigham hai saaqi

aruz-o-ilm ki ta.alim mujh ko kab rahi hasil

mira ustad to bas ye gham-e-ayyam hai saaqi

vahi ghalib hai ab to jo ḳharide shohraten apni

rubai bechne vaala umar-‘ḳhayyam’ hai saaqi

ye ghazlen ghaib se nazil nahin ashkon ka hasil hain

mira ye dard hi sab se baḌa ilham hai saaqi

More Poems

Leave a Comment