Sufi

Wahi Guman Hai Jo Us Mehrban Se Pahle Tha

vahi guman hai jo us mehrban se pahle tha

vahin se phir ye safar hai jahan se pahle tha

hai is nigah ka karishma ki mere dil ka hunar

main us ke gham ka shanasa bayan se pahle tha

vo ek lamha mujhe kyuun sata raha hai ki jo

nahin ke ba.ad magar us ki haan se pahle tha

main ḳhush huun ham-safaron ne ki mujh se chhin liya

ghurur-e-rahravi jo karvan se pahle tha

vahi in ankhon ne dekha jo dekhna tha inhen

main ḳhush-guman karam-e-dostan se pahle tha

fughan ki toḌ saka main na be-kasi ka tilism

mira nasib miri dastan se pahle tha

More Poems

Leave a Comment