Zakiya Shaikh Meena
vahi andaz purane nahin jiddat koi
naya lahja nahin ab zer-e-sama.at koi
lai na.i aur naya ahang uTha naghma-taraz
jaag uThe ḳhufta lahu men na.i hiddat koi
jhuuT par laakh mulamma.a ho sadaqat malfuf
khul hi jaati hai nahin chhupti haqiqat koi
kis liye ḳhaar hai khoi hui ghairat ko jaga
giḌgiḌane se nahin milti hai izzat koi
laakh kar va.ada-ḳhilafi-o-taghaful ai dost
dil se kam honi nahin teri mohabbat koi
mujh ko baḳhsha hai mire rab ne ye ejaz-e-suḳhan
main ne batil ki nahin karni himayat koi
rustagari hai kise ranj-o-alam se ‘mina’
arsa-e-jehd hai yaaro nahin jannat koi
Leave a Reply