main jahan bhi huun vahin anjuman-ara.i hai
ki mire saath mira alam-e-tanha.i hai
hasrat-e-ah bhi tauhin-e-shakeba.i hai
kya mire dard ka mafhum hi rusva.i hai
na tajalli na koi anjuman-ara.i hai
zindagi ek musalsal shab-e-tanha.i hai
maut hai qimat-e-hasti koi in.aam nahin
jaan di hai to hayat-e-abadi paa.i hai
DhunDhte phirte hain yuun qafile vaale mujh ko
jaise manzil mire hamrah chali aa.i hai
sina-e-gul men jo tufan hai hamen kya malum
ham to itna hi samajhte hain bahar aa.i hai
raz-e-nairang-e-chaman koi na samjha ‘shahid’
maut phulon ki ba-unvan-e-bahar aa.i he
Leave a Reply