Wahi Andaz-E-Duniya Hai Abhi Tak

vahī andāz-e-duniyā hai abhī tak

ġham-e-imroz-o-fardā hai abhī tak

ye daur-e-ibtilā hai is meñ insāñ

ye kyā kam hai ki zinda hai abhī tak

ab aage dekhiye kyā fikr hogī

yahīñ tak ham ne sochā hai abhī tak

huī muddat mile the lamha-bhar ko

vahī lamha na guzrā hai abhī tak

usī ko DhūñDhtī hai aañkh ‘nashtar’

vahī dil kā taqāza hai abhī tak

Leave a Comment