Sufi

Kahin Se Bas Nae Mausamon Ki Lati Hui

kahin se baas nae mausamon ki laati hui

hava-e-taza dar-e-nim-va se aati hui

ba-taur-e-khas kahan is nagar saba ka varud

kabhi kabhi yunhi rukti hai aati jaati hui

main apne dhyan men gum-sum aur ek saat-e-shokh

guzar gai miri halat pe muskurati hui

sarab-e-khvahish-e-asudgi magar koi shai

mili nahin hai tabiat se mel khati hui

lahu men tairti khamoshiyon ke saath kahin

ravan-davan hai koi chikh sansanati hui

yahan vahan hain kai khvab jagmagate hue

kahin kahin koi taabir timtimati hui

More Poems

Leave a Comment