ho ga.e din jinhen bhula.e hue
aaj kal hain vo yaad aa.e hue
main ne raten bahut guzari hain
sirf dil ka diya jala.e hue
ek usi shaḳhs ka nahin mazkur
ham zamane ke hain sata.e hue
sone aate hain log basti men
saare din ke thake-thaka.e hue
muskura.e baghair bhi vo honT
nazar aate hain muskura.e hue
go falak pe nahin palak pe sahi
do sitare hain jagmaga.e hue
ai ‘shu.ur’ aur koi baat karo
hain ye qisse sune-suna.e hue
Leave a Reply