vahi angan vahi khidki vahi dar yaad aata hai
akela jab bhi hota huun mujhe ghar yaad aata hai
miri be-sakhta hichki mujhe khul kar batati hai
tire apnon ko gaanv men to akasr yaad aata hai
jo apne paas hon un ki koi qimat nahin hoti
hamare bhaai ko hi lo bichhad kar yaad aata hai
saphalta ke safar men to kahan fursat ki kuchh sochen
magar jab chot lagti hai muqaddar yaad aata hai
may aur june ki garmi badan se jab tapakti hai
november yaad aata hai december yaad aata hai
Leave a Reply