na pher yuun nigah tu karam zara sa rahne de
hamara rishta hai abhi bharam zara sa rahne de
bichhaḌne ki vajah thi kya ye bhuul jaate hain magar
jo us ke saath hai juḌa vo gham zara sa rahne de
teri ḳhushi ke vaste main sau sau baar mar-miTun
to is junun-e-ishq ko sanam zara sa rahne de
tu ja raha hai chhoḌ ke to ja ye hai ḳhushi teri
magar meri in ankhon ko tu nam zara sa rahne de
akela-pan ye ḳhali ghar ye sofa mez yaden ḳhat
hai in se naata aaj bhi bharam zara sa rahne de
karam baḌa ho ye tira jo meri jholi tu bhare
ye rukha-pan ye ruThna sitam zara sa rahne de
yaqin hai phir milenge ham kahin kisi jahan men
baḌa hi pyara ḳhvab hai sanam zara sa rahne de
Leave a Reply