Abid Akhtar
jo kahte hain kidhar divangi hai
unhin ki ham-safar divangi hai
tavakkul be-niyazi saath hon to
gham-e-divar-o-dar divangi hai
sisakte khvab ankhon men basa kar
sitaron par nazar divangi hai
kamal-e-admi agahi-e-kal
maal-e-dida-var divangi hai
duaen bais-e-taskin hain lekin
tamanna-e-asar divangi hai
havaen tiir ki manind hon jab
yaqin-e-bal-o-par divangi hai
ye shahr-e-tajiran-e-dad-e-dil hai
talash-e-charagar divangi hai
Leave a Reply