Jamal Owaisi
tanha.i mili mujh ko zarurat se ziyada
paḌhti hain kitaben mujhe vahshat se ziyada
jo maang rahe ho vo mire bas men nahin hai
darḳhvast tumhari hai zarurat se ziyada
mumkin hai miri saans ukhaḌ jaa.e kisi pal
ye rasta hai meri masafat se ziyada
aa.e hain paḌosi mire ghar le ke shikayat
baton men vo talḳhi hai ki nafrat se ziyada
ye atlas o kam-ḳhvab dikhate ho abas tum
sha.ir ko nahin chahiye shohrat se ziyada
Leave a Reply