Poet
laga.e baiThe hain mehndi jo mere ḳhuun se poron men
yahi to rahzanon men hain yahi hain dil ke choron men
paḌe rahte hain aksar su-e-mushkin ru-e-janan par
bahut dekha hai ham ne ittifaq in kaale goron men
laga.i aag un ke husn-e-alam-soz ne har-su
jalane chau-lakha baiThe hain yuun kore sakoron men
vufur-e-sohbat-e-aghyar se kuchh aise khul khele
na vo jhenpen hazaron men na sharma.en karo.ron men
hamen ku-e-butan se do-qadam uThne nahin deti
hamari na-tavani in dinon hai aise zoron men
amaan deta nahin vo chahne valon ko mar kar bhi
hamare naam ko zalim ne piTvaya DhinDhoron men
mire nalon ka ‘ashiq’ rang uḌaya andalibon ne
ḳhiram-e-yar ki shohrat hui saare chakoron men
Leave a Reply