ne aadmi pasand na is ko ḳhuda pasand
hai aa.ine men qaid mira a.ina-pasand
do-char din bhi ham se nibahi nahin ga.i
vo mo’tadil mizaj tha main intiha pasand
vo ḳhud-fareb shaḳhs tha patthar-shanas tha
aaya na us ko koi bhi apne siva pasand
puchhe hai ham ne kaahe kiya kufr iḳhtiyar
ghaflat pasand hai na hamen aasra pasand
ghaugha-e-marg charon taraf phailne laga
kya is jahan ko chhoḌ ga.e badiya-pasand
us par hi bhejta hai vo aafat bhi maut bhi
shayad use gharib ka bachcha hai na-pasand
akash ek shaḳhs hai duniya se muḳhtalif
pahli nazar men hi tumhen aa ja.ega pasand
Leave a Reply