hasti ke har ik moḌ pe a.ina bana huun
miT miT ke ubharta hua naqsh-e-kaf-e-pa huun
vo dast-e-talab huun jo dua ko nahin uThta
jo lab pe kisi ke nahin aa.i vo dua huun
is daur men insan ka chehra nahin milta
kab se main naqabon ki tahen khol raha huun
basti men basere ka irada to nahin tha
divana huun sahra ka pata bhuul gaya huun
jaati hi nahin dil se tiri yaad ki ḳhushbu
main daur-e-ḳhizan men bhi mahakta hi raha huun
Leave a Reply