furat-e-fasila se dajla-e-dua se udhar
koi pukarta hai dasht-e-nainava se udhar
kisi ki nim-nigahi ka jal raha hai charagh
nigar-ḳhana-e-aghaz-o-intiha se udhar
main aag dekhta tha aag se juda kar ke
bala ka rang tha rangini-e-qaba se udhar
main raakh ho gaya ta.us-e-rang ko chhu kar
ajiib raqs tha divar-e-pesh-pa se udhar
zamin mere liye phuul le ke aati hai
bisat-e-ma.arka-e-sabr-azma se udhar
ye mere honT samundar ko chuum sakte hain
hikayat-e-shab-e-afrad-o-a.ina se udhar
Leave a Reply