Kuchh Gharaz Wajh Muddaa Bais

Poet

kuchh gharaz vaj.h mudda.a baa.is

kyuun ḳhafa ho ga.e ho kya baa.is

mujh se ruThe ho kyuun bila baa.is

kya ḳhata kya qusur kya baa.is

ab khula ye ki jaan jaane ka

tha sabab dil hi dil hi tha baa.is

main ne chheḌa tha kyuun bigaḌte na vo

ḳhafagi ki hui ḳhata baa.is

main unhen chahun vo ye ḳhud chahen

koi aisa ho ya ḳhuda baa.is

nahin milte na miliye bismillah

par bata dijiye zara baa.is

aaj kyuun vo bigaḌ ga.e ham se

ya ilahi na kuchh khula baa.is

mar ga.e dekh ham tira andaz

hai faza ki tiri ada baa.is

jab kaha main ne aa.iye mire paas

do ghaḌi ke liye kaha baa.is

tum hasin ho to chahte hain tumhen

yahi baa.is hai aur kya baa.is

kar liya kaisa aap ko tasḳhir

‘sehr’ huun varna aur kya baa.is