Poet
zindagi naqs-e-zindagi to nahin
bandagi men koi kami to nahin
aap ki dosti se Darta huun
aap se koi dushmani to nahin
be-usuli usuul ho jaa.e
aap par aisi be-ḳhudi to nahin
aaj zulmat ke chehre par hai nuur
un ka gham ba.is-e-ḳhushi to nahin
main gunahon men gharq huun lekin
us ki rahmat men kuchh kami to nahin
mere siine men saikḌon bal hain
un ki zulfon men barhami to nahin
aam hai zikr-e-ḳhas ai ‘maikash’
ab koi baat raaz ki to nahin
Leave a Reply