Sham-E-Ummid Gar Nahin Hoti

sham-e-ummid gar nahin hoti

sham-e-gham ki sahar nahin hoti

haa.e na-qadri-e-jahan afsos

qadr-e-ahl-e-hunar nahin hoti

baat karte hain log barson ki

aur pal ki ḳhabar nahin hoti

ek aisa bhi hai safar ki jahan

zindagi ham-safar nahin hoti

haq-pasandi mizaj ho jis ka

muflisi us ke ghar nahin hoti

zindagi ka na e.atibar karo

zindagi mo’atabar nahin hoti