Sham-E-Ummid Gar Nahin Hoti

sham-e-ummīd gar nahīñ hotī

shām-e-ġham kī sahar nahīñ hotī

haa.e nā-qadrī-e-jahāñ afsos

qadr-e-ahl-e-hunar nahīñ hotī

baat karte haiñ log barsoñ kī

aur pal kī ḳhabar nahīñ hotī

ek aisā bhī hai safar ki jahāñ

zindagī ham-safar nahīñ hotī

haq-pasandī mizāj ho jis kā

muflisī us ke ghar nahīñ hotī

zindagī kā na e.atibār karo

zindagī mo’atabar nahīñ hotī

Leave a Comment