Usne Aane Ka Jo Wada Kya Jate Jate

us ne aane ka jo vaada kya jaate jaate

dam mira siine men rukne laga aate jaate

khaak men mujh ko jo tum ne na milaya na sahi

laash hi meri thikane se lagate jaate

tere divanon ka dekhe to koi josh-o-kharosh

su-e-mahshar bhi hain ik shor machate jaate

ham to samjhe the ki nalon se tasalli hogi

ye to hain dard men dard aur badhate jaate

saath lena tha hamen bhi tujhe o paik-e-saba

ham bhi ham-rah tire thokaren khate jaate

tum ne kandha na diya laash ko meri na sahi

ek thokar hi miri jaan lagate jaate

yuun na jaana tha unhen paas se uth kar ‘anjum’

koi aafat hi mire sar pe vo dhate jaate

Leave a Comment