Sufi

Kaun Si Diwaron Se Main Takraya Na

kaun si divaron se main takraya na

vaqt se aage lekin main ja paaya na

saare aqide habs ke maabad hain jin men

kabhi hava ka jhonka tak bhi aaya na

us ki yaad men saari umr ganva baitha

mera kabhi khayal bhi jis ko aaya na

us ne jab sannate ki divar chuni

tum ne bhi to us dam shor machaya na

jaane us ke lahje men kya jaadu tha

kisi ne us ki baton ko jhuthlaya na

bas ik kaabe ka patthar hi bacha ‘faqih’

varna mujh par kaun sa patthar aaya na

More Poems

Leave a Comment