Poet
aadam hai na havva hai zaman hai na zamin hai
vo kaun hai jo kun men magar parda-nashin hai
maana ki nahin huun tire altaf ke qabil
tu phir bhi mire haal se ghafil to nahin hai
banda huun tira ghaib pe iman hai mera
auron ko na ho mujh ko magar tera yaqin hai
shahon ke bhi tajon ko laga deta hai Thokar
ye banda-e-na-chiz jo ik ḳhak-nashin hai
tha hind ki janib mire aaqa ka ishara
ḳhushbu-e-mohabbat to hamesha se yahin hai
maana ki mira luT gaya sarmaya ḳhushi ka
ik dard ki daulat to abhi mere qarin hai
ahbab ke bartav ko men kaise bhula.un
be-kar tasalli ga.i dil phir bhi hazin hai
asan nahin rah-e-vafa dekh ke ‘jami’
taklif kahin bhuuk kahin pyaas kahin hai
Leave a Reply