Qamar Raza Shahzad
kisi ke aks ko hairan karna chahta huun
main sang-o-a.ina yak-jan karna chahta huun
buland karta huun dast-e-dua ki jaise main
kisi ki zaat par ehsan karna chahta huun
bahut haqir hai lekin tujhe ata kar ke
main dil ko taḳht-e-sulaiman karna chahta huun
mujhe ye zindagi dushvar bhi qubul magar
kahin kahin ise asan karna chahta huun
main aisi kaun si shai kho chuka huun jis ke evaz
sabhi ko be-sar-o-saman karna chahta huun
Leave a Reply