ab tujh se apne dil ko lagane ka fa.eda
yadon ko teri dil men basane ka fa.eda
hans hans ke aansu apne chhupane ka fa.eda
ahl-e-jahan ke dil ko jalane ka fa.eda
kah to diya hai main nahin a.ungi phir kabhi
ankhon ko raste men bichhane ka fa.eda
tujh ko pasand mahfil-e-aish-o-nishat hai
gham ke fasane tujh ko sunane ka fa.eda
kahta hai vo ki chahaten miTti nahin kabhi
dil se ‘shagufta’ naam miTane ka fa.eda
Leave a Reply